Ruma ri Grecia Ortíz
gortiz@lahora.com.gt
K’o kan kaji’ q’ij ri wachwuj xuq’alajirisaj apo jun silowachb’äl akuchi’ ntz’etetej retal ruk’aslem ri Henry Sales, jun Aj Iximulew Maya-Mam xaläx ke la’ San Juan Atitán, Huehuetenango, ri k’o rachoch k’oyan kan chi juna’ pa California Estados Unidos, ke la’ Oakland jun k’ojlemal akuchi’ ri ruk’isb’äl taq juna’ xtze’tetej chi e janila k’ïy winaqi’ Aj Iximulew xejapakim apo.
Ri retal ruk’aslem xcha’ox kan chupam ronojel ri cha’onïk. Ri connacional, ri xtzijon k’in Ri Hora Ruch’ab’äl ri Migrante janila k’ïy b’ey, xusik’ij chi ri xcha’oj jun nimaläj k’ojlem chuwäch rija’,chi kiwäch ri rach’alal ri’ïl chuqa’ ri tinamït.
“E k’ïy nkich’ob’ chi ri Mayab’ winaqi’ majun chik e k’o ta’ xa ekaminäq chik, po xa k’a oj k’ona’ wawe’, tb’ix Maya chuwe’, Man, ajalaxel, qawinaq. Kan ja ri’, ri rïn. K’oyan kan b’eleje’ juna’ ri yink’o ke la’ Orkland, ri numama’ k’o wi’ jun rurayb’enïk rija’ nub’ij wi chuwe’: nuk’ajol, wetaman chi pa jun mejaj xkab’e y xtak’ut ri b’anob’äl y rija’ kan qitzij ri xub’ij”, nub’ij ri Aj Iximulew pa silowachb’äl akuchi’ tikirel natz’ët ri jalajöj rulewal achb’äl chi ri amaq’
Ri rutzij nuya’ ri connacional pa silowächb’äl pa q’anchi’ ch’ab’äl.
Achib’äl La Hora/ Henry Sales/Cortesía
K’o yan kan chi juna’, Sales xub’ij chi xutikirsaj xuk’utïk Mam ch’ab’äl ke la’ Estados Unidos, “Jun chi re ri nimaläj na’oj xink’en kan ja chi rij ri k’utunem, jantape k’o kuq’ub’ab’äl k’u’x chuqa’ jantape nawil utziläj taq b’anb’äl pa ruk’isb’äl chi re ri b’ey.”
“Rïn pa’el pa kiwi’ ri nuwinaq, ri nutzyäq nkusaj kemon ruma jun ixöq, ronojel ri weqoj wachb’äl, ri b’atz’a’inil, kan ja ri’ runa’oj ri nute’ y ri wixjayil. Nak’asb’a’ ri Mayab’ b’anob’äl jun tz’eteb’äl chi k’in uchuq’a chuqa’ samaj tikirel nq’ix jun rayb’enik” nub’ij ri Aj Iximulew pa ri silowachb’äl.
Pa ri k’utunïk richin Ri Hora ruch’ab’äl ri Migrante, ri Aj Iximulew xutzijoj chi ri silowachb’äl jun peraj chi jun b’anb’al ruma ri ik’ Herencia Hispánica chuqa’ ruma ruq’ij ri mekowinem chi achamaq’i’
RI AJ IXIMULEW XCHA’OX KAN CHUPAM RI MOLAJ CHA’ONÏK
Ri Henry nub’ij, chi ri ja’ xkanux xilitäj pa wachwuj y xtzijox chi re chi rija’ xch’aoj chupam ri molaj cha’onik ruma xtz’ët ri samaj nub’än k’in ri tinamït Maya Man y ruma’ chi qa’ ketan ri samaj nub’än pa ruwi’ ruk’utik ri ch’ab’äl chuqa’ ruk’utïk ri b’anob’äl chi ri ramaq’ ke la’ pa Estados Unidos.
“Xb’ix chuwe’ chi janila wi k’ïy retal k’aslem, po kan ja ri’ rïn xichex, xb’an jun k’utunïk chuwe’ k’a ri xtaqel ronojel ri molsamajib’al richin nb’an ri silowachb’äl”, xub’ij.
Ri noqa’el chupam re jun xilowachb’äl re’ chuwäch ri Aj Iximulew, kan janila rejqalem chuqa’ q’ijlaj ruma chupam re silowachb’äl re’ nutz’ët ri rub’anob’al chuqa ri rutinat.
“Rïn kich’ab’äl ri winaqi’ ri majun naya’ox q’ij chi ke yech’on ruma ri na’ojil ruma ri eleq’anïk, to rïn k’o chi ryipa’e’ chi kiwäch”, xub’ij
Henry Xutikirsaj xuya’ tijonïk chi ri ch’ab’äl Maya-Mam kik’in jujun taq tijoxela’, po wakami nub’ij chi kan e 140 chik tijoxela’ ri e petenäq jalajöj taq peraj chi ri EE. UU.
Chuqa, samajnäq pa ruwi’ ri tunuj kik’in ri connacionales chi rulewal akuchi’ k’o rachoch. Achb’äl La hora/Henry Sales/Cortesía
MAN XA XE TA’ PA’EL PA RUWI’ JUN AMAQ’, CHUQA’ PA’EL PA KIWI’ RI YETZILOX YEJECH’UX
Toq xutz’ët ri silowachb’äl, ri connacional xub’ij chi ri rach’alal ri’ïl yalan xekikot ruma xtiki xuq’i’ xuq’asaj rutzijob’äl ri rub’anob’al
“Man xa xe ta’ xpa’e’ pa ruwi’ ri Iximulew, ruma kan ja ri nik’asetul, ja ri’ ri Maya amaq’ k’o yan kan juna’ majun wi’ jachojuch’. Rïn man xa xe ta’ rïn npa’el pa ruwi’ jun amaq’, nb’än kuma’ ri kan janila yetz’ilox yejech’ux, Rïn pa’el pa ruwi’ ri amaq’il qawinaq” xub’ij.
Ri Aj Iximulew, xub’ij chi janila k’ïy tzij xuk’ul akuchi’ nq’ejelox ruma ntz’ët ntelpe chupam ri silowachb’äl pa wachwuj.
TASIKIJ: HENRY SALES JUN MIGRANTE RI NUTO’ RI TINAMÏT K’IN RI MAM
PA OAKLAND CALIFORNIA E K’O JANILA K’ÏY MIGRANTES
Xub’ij, chip pa Oakland e k’o janila k’ïy migrantes ri kan e aj echamaq’i’ ri kixe’el.
Pa 28 chi ri nab’ey ik’, La hora xuq’alajirisaj apo jun k’utunem k’in ri Aj Iximulew Henry Sales, rija’ xutzijoj ronojel retal rusamaj chi tzalq’omanel ke la’ Estados Unidos chuqa’ chi nuya’ tijonïk pa jun achtijob’äl chuqa’ pa jun nimatijob’äl.
“Ninwajo’ nb’än samaj pa kiwi’ ri tinamït, rïn nwajo’ nya’ kejqalem ri mayab’ taq ch’ab’äl, richin majun b’ey nmestäx ta’ nixta’ yesach, ruma k’o jujun majun chik yech’ab’ex ta’ y xa yekäm, ja re’ nwajo’ nb’än”, xub’ij.
Grecia Ortíz
Talutz’ib’anel chuqa’ tzijonel chi ri Nimatijob’äl chi San Carlos chi ri Iximulew, talutz’ib’anel richin ri Diario La hora kan ja kan pa juna’ 2015. Wakami nb’än rusamaj richin La hora ruch’ab’äl ri Migrante, k’in jalajöj ruk’u’x taq na’oj richin ri tinanït migrante ke la’ Estados Unidos.
FEDERACIÓN GUATEMALTECA DE ESCUELAS RADIOFÓNICAS – FGER-
VARIANTE DEL IDIOMA: IDIOMA MAYA KAQCHIKEL, COMALAPA, CHIMALTENANGO
