IDIOMA MAYA MAM

Tuj i’l qtanma Paxil o t’zona kyi’ qe qxjalail tuj Trenton.

Tyoljil tu’n Grecia Ortiz
gortiz@lahora.com.gt

Jxuj Sara Batres, jun xuj te qtanma paxil najl xuj tuj Trenton, Nueva Jersey, tzitzun xuj tuj La Hora, nim qxjalail o kyim tu’n yab’il COVID-19 tuj ja cojb’al lu, b’ix at la xjal taj t’zona kyi’j tu’n tzunj il mix npona onb’al tu’n kyetz twitz yab’al.
Tzitzan ntzaj kyqb’an xuj nim xjal o kyim, at kab’ te twi meq’b’aj a’ (Totonicapan), b’ix at kab’ te T-xol Tub’l (Quetzaltenango), nuq tuj Trenton b’ix Hamilton New Jersey.

Jxuj Batres e kub’ tquman xuj qe aquntl cheb’a ma chyaq melt’zaj tisanx t-ten qe wab’l chi aq’anan, nxi’ aqb’al wab’j kyja qe xjal kyja.

Tuntzun ajqelb’al il tzitzun xuj, mix chi onan xuj kyij xjal tun kyaj meltzaj tuj kytanma, nuqtzan nxi kyq’on xuj chi wab’j kye qe kywal xjal min chi aqanan b’ix qa te tuj yab’al COVID-19.

“Tisan tzunj o tzaj kyq’o’ xjal pwaq weya, tuya tzunja nchin loqona kywa xjal tuj yab’al, b’ix jxin David te Ecuador npon qo te xin lo’pj, e tzaj b’ixsan kashlan wab’j, nimxsan nb’aj qchmona tuntza t-xi q-q’ona kye xjal, tisan jweya nxi’ nqona onb’al tuj jun chamb’al xjal aj k’eyal tuj Nueva Jersey, b’ix tuj chamb’al xjal te qtanma paxil, b’ix tuj Alfa Powers”, Tzi tzun.

NXI’ QO’N ONB’AL KYE XJAL MINTI’ KYUJ.

Jchamb’al xjal, Alfa Powers, tzitzan ja Batres ok chmonta tuya Ana María Calvache b’ix Brenda Pérez, nchi a’yon tun tok ma’ nim kyb’et xjal.

J-onb’al ntzaj ch-met ju’ nxi’ kye qe’j b’eta xjal minti’ kyuj, at jun te Paxil, mintix onb’al no’k kyi’j tu’n aj kawal b’ix mintí kyaqan b’ix nim k’ixk’aj tok kyi’j.

“Nxi o’nat qe tuya wab’j b’ix tuya pwaq, ky’un qe chamb’al xjal tuya chojb’al ja, yaltza qeya tuya tzan wab’j kyej xjal minti’ kyaq’an b’ix at qe ne nee’ kyuya”, ju tza tok tu’n.

Jxuj ne qxjab’il lu tzitzun xuj, nim tanma xuj kyi xjal te onal kyi’ qe’j jb’etal xjal ete’ tuj jun ja’ tuj Trenton. Foto La Hora/Cortesía

Jxuj Batres aj o txi’ t-q’on xuj onb’al kyej xjal tok yab’al kyuj, nxi’ kyq’on xuj onb’al kyikujlan kyib’ xuj qa at maj minti’ wab’j.

Tzintzun xuj, nyan sek tb’inchaj aquntl at jun te paxil xjal ot t’zok yab’al ti’j b’ix ejaw b’isan qe xjal ti’ kychunqalal, “nim tipamal aquntl nok”, tzitzan ju’wa.

JUN TXOLB’AL
Jatza 16 te junio jxin aj yolal tuj juntl tnom o tzetz tumal 141 kyimna te Paxil tu’nj yab’al coronavirus, b’ix 332 ot t’zok tij. 136 kyimna jatza najla qe tuj Estados Unidos, tipamal jutza Nueva York b’ix te Silver Sping Maryland.

FEDERACIÓN GUATEMALTECA DE ESCUELAS RADIOFÓNICAS -FGER-
VARIANTE DEL IDIOMA: IDIOMA MAYA MAM DE TODOS SANTOS CUCHUMATÁN, HUEHUETENANGO