Are xub’ij chupam ri k’at sociales are xukoj ri mayab atz’yaq chupam ri nima tijob’al Johns Hopkins. Wachib’äl Le Ramaj/Katherine Narvaez/Facebook.

Rumal
Q’axaltzij le Ramaj

Ri guatemalteca Katherine Narváez xnimar uwech pataq ri redes sociales rumal xukoj ri mayab’ atz’yaq chupam ri nima tijob’al are xuch’ek ri wuj Maestría re Administración rech Empresas pale nim tijob’al, Johns Hopkins, pa Baltimor, Maryland. Le q’achi’l, tajin keta’maj rib rumal kutzukuj kuch’ek uwujil le kunanel, jeri xub’il chupam ri utz’ij xub’ij jas upatan ri utzij xukuje ku q’axaj ronojel ri xutijoj chech wi ixim ulew.

Narváez xunataj pa jun mina tzijobal chupam le utzijb’alil rech ri uk’at social Facebook, k’a ak’al na xkib’ij che ke chiri pa ixim ulew e k’aslik “le winaq ekon” a tz’ij kab’ix chike ri winaq e mayab’.

“Wawe tz’ij xok chupam nujolom rumal ri tz’ij xb’ix chuw rumal ewinaq nim kiq’ij jachintaq kikicholij itz’ektaq tz’ij chikech taq ri uwokajil ri k’a tinamit kikib’ij ke ri k’a winaq e meb’a’ xukuje e analfabetas- ¡Man at taj aj ixim ulew!

Chupam jun chisaq’il, kuchol le tz’ij ke pa ojer ramal chiri pa q’a ixim ulew xb’an tz’aq pataq ri tinamit, nuk’ulem ri ja, vías fluviales sofisticadas, xukuje xb’an q’ijinik rumal ub’anik kitaq chak re q’axal tz’ij xukuje tz’ib’alil.

“Xukuje kitaq kowinik ajnoj, nab’e are ri ajq’it xukuje matemáticas- ¡xukuje surunik ri majb’al! Ri q’a mayab’ no’jib’al are kumulij ronojel ri ch’ab’al, xajowem, k’itaq rikil, tz’onoj xukuje naq’atasb’al. Ri k’a tinimit man monolítico taj. Ronojel ri winaq xikimaj kib’e pale norte, kin rimarisaj kik’aslemal, jeri xub’ij.

Jun tojnïk

Rumal ri, xukoj ri “mayab atz’yaq” pari unimaq’ij rumal xuch’ek ri uch’aktijonik xukuje rumal kuminarsaj uwech ri ka winaq e chakib paqa ixim ulew k’a timinit.

Ri guatemalteca xu tioxij rumal kowin uch’ekik ri ch’aktijonik pa le nim tijob’al chikech taq ri alaxik.
Wachib’äl Le Ramaj/Katherine Narvaez/Facebook.

“Ri chuq’ab chupam ri etamaxik xa keb, oxib e winaq ke kuynik kok chupam le nim tijob’al, xataneri ka q’atataj ronojel naoj, xuka rajawaxik jun tob’ik. Jeri xub’ij.

Xukuje xub’ij ke are kutz’ukuj ku nimarsaj uq’ij ri unan jachin xelb’i pa k’a ixim ulew rumal xutz’ukuj k’ak taq “chak”, jach’a chuq’e ri utat jachin xt’o ri uwajilsaxik k’itaq ja pa Estados Unidos, are kuchomaj makayata u chuq’ab le chak xub’an jela.

Jun nimalaj chak xukuje keb, oxib cholaj upatan pa ixim ulew.

Narváez ch’eken uwuj pale nim tijob’al Johns Hopkins, are jun tijob’al min uq’ij pa Estados Unidos xukuje pa uwachulew, chiri kachok ronojel le wuj xu ch’eko:

  • Maestría re salud pública
  • Maestría pa Administración de Empresas
  • Certificados de Salud Humanitaria
  • Salud materno
  • Comunicación de Salud
  • Delta Omega
  • Sommer Scholar

Ri guatemalteca xutz’ijoj tajin ku k’is ri ureta’manik ri tijonem re kunanel, are tajin karayej kak’is ri ub’e rech le etamanem k’ateri ku maj uchak xukuje ku k’ut ronojel le retamaj pa Estados Unidos chiri pari iximulew.

“Makinwilta ri ramal rumal kink’is ronojel ri eta’manik k’ateri ka tz’alijik pataq le tinimit are tal kiyaom rajil xukuje ka tarne’xik, chiri xukuje pa iximulew, #nimalchapina”, jeri xub’ij.

Narváez xkowin uch’ekik ri uch’aktijonik pale nim tijob’al rumal le tijonem rech ri maestria re jalajoj taq etamaxik.
Wachib’äl Le Ramaj/Katherine Narvaez/Facebook.

Le ramaj uchi le emajb’al b’e xuk’ut ri chak.

Katherine Danabet Narváez aj Izabal are kucho’l ri uk’aslemal pa Atlanta, Georgia, xub’an k’itaq chak jun are re modelaje.

Pa 2017, Le Ramaj le emajb’al b’e xunimarsaj uwech ri Fundación nab’e Iximulew, jawi ri ali xumulij ronojel ri puak are upatan kaloq jastaq xukuje ka sipax kikektaq ri tijob’al maj purificadores re ja xukuje desparasitantes are jun tob’anik kab’an chech tal le tijob’al are taq ri aq’alab, lajtaq ali, lajtaq ala, are jun chak kutz’ukuj le unimarsaxik le tijob’al.

FEDERACIÓN GUATEMALTECA DE ESCUELAS RADIOFÓNICAS – FGER-

VARIANTE DEL IDIOMA: Idioma Maya K’iche’, Totonicapán

Diario La Hora
Visión: Realizar un trabajo periodístico que contribuya a la consolidación de la democracia en Guatemala, a partir del periodismo investigativo y de opinión. Misión: Ser un medio de comunicación imparcial, veraz y responsable, dirigido a líderes de opinión con incidencia en los círculos de pensamiento y en el ámbito político guatemalteco.
Artículo anteriorCSJ rechaza antejuicio contra la jueza Erika Aifán planteado por Eddy Orellana
Artículo siguienteXjal ex tuj qtanmi Twi’ Paxil n-najb’en xb’alin xjalil Maya tuj etzb’il tu’jil tuj Nintz Jaxnaq’tzb’il Johns Hopkins ex ntma’n qa q-onil te GT