Rija’ xutaluj rutzijoxkilj pa taq redes sociales chi xukusaj jun mayab’ tzyaqb’äl toq xuk’ul rusamaj pa Nimatijob’äl, Johns Hopkins. Achib’äl La hora/ Katherine Narvaez/Wachwuj.

Ruma
Redacción La Hora

Ri migrante Aj Iximulew Katherine Narváez xub’ij pa taq redes sociales chi xukusaj jun mayab’ tzyaqb’äl toq xuk’ul ri rusamaj chi jun Maestria chi Runuk’ulem Samaj

pa nimaläj Nimatijob’äl Johns Hopkins, ri k’o ke la’ Baltimore, Maryland, Ri ajqatinamït chuqa’ nutijoj ri’ chi ntok aq’omanel, xutaluj rutzijol jun tzijöl akuchi’ xuya’ rub’ixkil achike choq’oma’ xub’än re’ chuqa’ ri pab’anïk chi k’o chi nuya’ ri retamab’äl pa Iximulew.

Narvaéz xunataj jun nïm taluxïk tzijol pa rucuenta chi red social wachwuj, chi toq k’a tixtän xib’ij chi re’ chi pa Iximulew e k’äs “Ri winaqi’ majun kina’oj”, re re’ nuya’ chi tzij chi ja ri’ ri achamaq’i’ winaqi’.

“Re tz’ukun taq tzij re’ kan xtzün pe pa saqil toq xitzijon kik’in ri winaqi’ k’o ketamab’al ri nkib’ij chi ri qatinamït xa meb’a’ chuqa’ majun ketamab’al- ¡rat man at Aj Iximulew ta’!”

Pa rutaluxïk tzijol, nutzijoj chi chirij kan ri majoj ulewal pa Iximulew xeb’an nimaq taq samaj chi’el ri ciudades, sistema de riesgos, vías fluviales sofisticadas, chuqa’ xeb’än kotz’i’j chuqa’ xkisamajij jun ütz b’eyalil ch’ab’anem chuqa’ tz’ib’anïk.

“Chuqa’ janila k’ïy etamab’äl na’ojinel, achi’el pa retamab’alil ik’ch’umil chuqa’ pa retamab’alil ajilanem — ¡chuqa’ xkinojij xkil ri wa’ix! Qab’anob’äl ja ri’ ri ruk’uwan janila k’ïy ch’ab’äl, xajoj, xolon rikilal q’utun, b’ankil k’aslem, man oj junta’ tinamït monolítico. Konojel ri xeb’e’ jukan chik amaq’ xejalpakin pa norte, yennimaq’ijuj”, xub’ij.

JUN NIMAQ’IJUL

Kuma rije’, xunojij xukusaj jun “Mayab’ tzyaqb’äl” toq xuk’ul rusamaj richin nuya’ rejqalem ruq’ij ri Iximulew chuqa’ chi nuya’ kiq’ij ri ajqawinäq ri yalan yesamaj nkiya’ kik’u’x k’in ri nkib’än.

Ri Aj Iximulew xusuj ri q’inïk re chi re ri rach’alal. Achib’äl La Hora/Katherine Narvaéz/Wachwuj.

Ri tikirel nak’ul tijonïk chuqa’ nk’uje’ janila’ k’ïy awetamab’al jun nïm tob’äl chuqa’ jun urtisanïk, po stape ke ri’ yojretaj ri etamanil chuqa’ ri ch’akoj ri nqaq’i’— Xa xe nqajowaj ri ramajil”, Xub’ij

Chuqa’ xub’ij chi nukanuj wi’ nuya ruq’ij ri rute’ xuyakan ri Iximulew chin nuya’ janila ramajil ri man

“imaginable ta”, ke ri chuqa’ ri rutata’ nuya’ ruto’onïk pa rub’ankil ri infraestructura chi la’ Estados Unidos, k’o b’ey achi’e xa ta’ nutz’ët chi xa majun niya’ox ta ruq’ij ruma ri winaqirem.

JUN NÏM TIJOJSAMAJ CHUQA’ JUN PAB’ANÏK TZIJ K’IN GT

Narvaéz xuk’ul rusamaj pa Nimatijob’äl Johns Hopkins, jun chi ke ri janila ruq’ij chi la’ Estados Unidos chuqa’ chi re ri ruwach’ulew, Ja re’ je rusamaj xeruk’ul:

  • Maestría chi Raxanaqil Chanpomal
  • Maestria chi Runuk’ulem Samaj
  • Retal wuj chi Raxnaqil K’aslemal, Raxnaqil kichin taq ak’wala’ chuqa’ Tzijob’äl chi Raxnaqil
  • Delta Omega
  • Sommer Scholar

Ri Aj Iximulew xub’ij chi najin rutijonïk chi nuk’ïs rutijonïk chi aq’om, po kan royb’en k’in kikotem chi nuq’i’ ri k’isb’äl rurayb’enïk tijonïk richin nuya ri jalajöj retamab’alil chi re ri ramaq’ akuchi’ xaläx chuqa’ chi re Estados Unidos.

“Majun nintz’ët ri ramaj chi nk’ïs ri nutijonïk richin yitzolöj pa taq tinamït ri xinikito’ chuqa’ kikuqub’an kik’u’x wik’in, wawe’ chuqa chi la pa Iximulew.

#nimirsanem kikotemchapina”, xub’ij.

Narvaéz xuk’ul rusamaj chi maestria pa jalajöj b’ankil.
Achib’äl La Hora/Katherine Narvaéz/Wachwuj.

LA HORA RUCH’AB’ÄL RI MIGRANTE XUNATAJ KAN RI TONÏK NUYA’.

Katherine Danabet Narváez rija’ xaläx chi la’ Izabal po yalan k’ïy ramaj xkoje’ pa Atlanta, Georgia,

Oknäq pa jalajöj taq samaj achi’el ri modelaje.

Pa 2017, La Hora ruch’ab’äl ri Migrante xuya’ rutzijol ri rutikirb’alil Fundación Adelante Guatemala, rik’in re ri migrante xumöl pwäq richin xuya’ chi ke ri tijob’äl ri majun achike k’o kik’in achi’el ri recursos chi purificadores chin ya’ chuqa’ desparasitante jun tonïk richin njikib’äx ri tijonïk raxnaqil kichin ri ak’wala’, jun to’onïk chin yek’ïy k’in raxnaqil.

FEDERACIÓN GUATEMALTECA DE ESCUELAS RADIOFÓNICAS – FGER-

VARIANTE DEL IDIOMA: Idioma Maya Kaqchikel, San Juan Comalapa

Diario La Hora
Visión: Realizar un trabajo periodístico que contribuya a la consolidación de la democracia en Guatemala, a partir del periodismo investigativo y de opinión. Misión: Ser un medio de comunicación imparcial, veraz y responsable, dirigido a líderes de opinión con incidencia en los círculos de pensamiento y en el ámbito político guatemalteco.
Artículo anteriorSalud elabora acuerdo para recibir vacunas; proyecto de ley está sobre la mesa
Artículo siguienteCSJ rechaza antejuicio contra la jueza Erika Aifán planteado por Eddy Orellana