Tu’n tyol LA HORA
lahora@lahora.com.gt
T-tey jtxin q-xal aj b’itzal Sara Curruchich, najb’en kyxol xjal tu’n meltzaj chin qnab’l xjal, b’ix tun tzunja nchi tzaj ajb’en qe’ b’itz tuntza kylet qe’ xjal te jun tnom te jaxj, jutza tok tu’n AJ+ tun jun techlal o tzel tin tumal.
No’ktza t-smo tib’ tb’ink b’itz te otxa tuya tb’ink b’itz te jalawa b’ixsa t-tzib’j yol tokx tuj ipama yol, tejtza ma jawal txin te winaq jwe’ jnab’q’i, tej jtxin xu’j lu te t-xe’chal qe’ qxjal Kaqchikel o kub’ t-meltzun tib’ txin qa jax txin tzib’lkata qe’ tb’itz txin. Etzaj t-tzyan txin tuj 2015 tzitza AJ+.
“At tuj nqul b’ix tzin ab’ij, te jun tnom Maya qen bi’x min tzaj nch’ixwa ti’j alkye qen, ma chin kana tij t-txola lu” tzitza Curruchich tuj jun techlal o t’zel tin AJ+.
O tzok nb’in rap b’ix cumbia tzitza Sara, ja tzunja no’k t-mojb’an tib’ b’itz, jatza jun tumal lu’ t-meltzaj qnab’l jo’ xjal maya, “jatza jun t-txola tu’ tok tipamal qlokal b’ix tu’ tok qmojb’an qib’” tzitzun txin.
Qe’ tb’itz txin nchin nyola tib’aj twitz t’xot’x, b’ix kyi qe’ tnom te qtanma nklon t-t’xot’x twitz qe qilwat q’inamal tuj t’xot’x b’ix tib’aj qe’ xu’j, qe ne kwal at tuj k’ixk’aj tuj qtanma Paxil tzitzan AJ+.
Weya te we tzitzun txin, jaj b’itz b’an tajb’en tisa jun makb’al tuntza tkub’ meltzaj kynab’l xjal kyxol kab’l xjal, b’an t-xi’ qb’et kye qe kwal qa ma qu yola tuj qyol nya’ tu’ t-tzaj qchixaw, aj ja njaw q’inta qnab’l, nimxax tipamal te qe b’ix kye qe’ q-xechal kye qe qchman.
Ntzaj tqb’an txin qa o qojl txin twitz ik’an qe, b’ix twitz kyxinaqyil qe xinaq twitz t’xot’x, tib’aj b’itz te pwaqb’al tuntza tkama jun tkub’al te jun maj.
Tzitzan txin “nyan tu’ mi t’zaq’ kywitz xjal tija, aj jatza jun kynab’l xjal tu’ tel ik’ana, tu’ tun tel x-xonna tu’ tex tzub’ata, tisaka minti’ b’a’ tajb’enay”.
“B’ix tuntzun ne xuja maya, minxax tkiwal tun t-tzaj ab’ina, jutzun at maj kwelxax we’y, b’ix tshintzuna. Jatza jun tumal jlu, jatza jun amla jlu, tuntza t-xi’ tqb’ana nya’ nuq te we weya, yama te kye qe’j ne xjal mi tzaj eb’i’ ne ky qul , ne kyb’itz” tzitzun txin.
Federación Guatemalteca de Escuelas Radiofónicas FGER/Maya Mam, variante de Todos Santos Cuchumatanes, Huehuetenango/www.fger.org /radiofger@fger.org
